星海薈﹒譽宴

营业中

休息中

太耐冇饮茶食点心，要叹返个午茶先至得😜今次叫左午茶($15)*2、餐前小食($20)、蟹粉小笼包($28)*2、家乡眉豆茶果($26)、脆网肉崧肠粉($31)、鲜虾长春卷($31)、豉汁蒸凤爪($26)职员先提供一大锅热水畀你消毒餐具，够晒干净卫生👍🏻水滚茶靓☕餐前小食：咸酸菜，够开胃蟹粉小笼包：都算几大只，皮够薄但又唔会一夹就穿，手工做得唔错👍🏻先点一点个醋黎食，一咬开个小笼包就爆汁，而且D肉都几JUICY，食落有D蟹粉味散发出黎，超正😍脆网肉崧肠粉：肠粉皮够滑，而里面仲系几脆身下唔会淋晒，口感唔错😋肉崧份量都唔少，几香口家乡眉豆茶果：估唔到呢个点心个卖相又几靓😍外皮软淋又够烟韧，食落唔会痴牙，而内里馅料都几饱满，甜甜地几香滑下😄豉汁蒸凤爪：煮得够淋够入味，酱汁方面唔会太过咸，几好食😋鲜虾长春卷：春卷好脆身唔油腻，里面虾肉都几多同新鲜，上菜时配埋沙律酱点黎食😋大合照🤩本身呢到有做婚礼晚宴，所以里面环境都几靓同几阔落😍加一后连埋茶芥前菜埋单$242，味道水准有返咁上下，而且出菜都算几快👍🏻P.S.：留意返以上价钱为平日午茶，如果假日同其他时段食会有所不同补MENU