三希樓 (已結業)

来饮茶，食点心，这是星期天。。。。。叉烧肠粉叉烧好有咬口，肠粉皮有红米或白米之分，即系话个肠粉皮用嘅米浆，除咗平时食到嘅白米之外，佢哋有红米俾你拣。不过肠粉嘅豉油好似老抽，怕咸的话建议大家唔好落咁多。。。。。。烧卖皇正常尺寸，烧卖是以猪肉制成，面头果粒食落似鲍鱼，我也未能肯定是否鲍鱼，有可能系鲍鱼菇，整笼烧卖上枱时保持热辣辣，都算不错。。。。。。叉烧包有叉烧粒，唔系叉烧茸，馅料多到爆出嚟，事实上入面都几足料，个包食落口甜甜地，热辣辣入口就最好味。。。。。。沙律明虾角饮茶最重要系啲点心够热，呢个沙律明虾角就唔多够热，而且同我想像中有出入，我以为沙律&虾会一齐被包住，再炸成虾角。事实系，只虾被包住攞去炸，而沙律只系伴碟。。。。。。山泉水即撞豆腐花呢个制作需时，下单时侍应话会安排在最后上枱，呢个豆腐花好抢眼，我见隔离枱都有点。事实上呢桶豆腐花又真系好好味，好香好滑好热。上枱时侍应话帮我地分落碗，不过我哋拒绝左，因为“笔”豆腐花好好玩，所以决定自己来处理。。。。。。。整体来讲，呢度有服务，有装修，有卫生，各样都很不错，侍应们有keep住帮我哋嘅茶壶加添热水，还不是帮我们更换碗碟添。