榕記車仔麵 (已結業)

今日放工同朋友去左屋企附近食宵夜，本身谂住去食个甜品，简单又好味，点知朋友大叫肚饿，我地即刻转场去左食车仔面。将军澳附近有间车仔面，主打足料汤底，我叫左一个白果胡椒猪肚汤底，一上枱汤底好香好浓，入口第一啖好鲜甜，香浓猪肚汤唔会有腥味，奶白色完全唔油腻，入口好香浓！唔系味精汤底好抵赞！我叫左萝卜、牛丸、猪颈肉，三个𩠌超满足！超钟意萝卜吸哂汤汁入口超滋味，萝卜又够软腍，牛丸粒粒好弹牙！猪颈肉极赞，入口爽口爽嫩，中间有阵阵油香！麻酱鸡丝粉皮，麻酱香浓有芝麻香，鸡丝唔会鞋口，入口有清甜鸡肉味，青瓜丝够清甜，与麻酱搅拌食用味道好清爽，唔会太饱济！下次再黎试下其他汤底！