湯品 (已結業)

收工揾食，行过见到门外好多名人同Tvb采访过既相，而餐牌配搭颇新颖，就入去试下！有几种配搭，分别捞面/汤面，汤面既话可先选一款炖汤，然后再加配料同埋拣面。而捞面就选个面底再加配料就ok 松茸炖汤$46汤品分为浓炖及清炖，因为近来多病痛，所以拣左可以强身既松茸，味道不会太浓同油腻，但好香，汤料亦不小，有鸡肉，黑木耳丝，松茸等补身既材料。海蜇醉鸡翼$18海蜇选用海蜇头，比一般条状海蜇爽口好多，口感更佳，鸡翼外层沾满酒香，但不觉刺鼻，反而鸡肉味道稍微浓返小小会更好。花雕醉鸡蛋$10鸡蛋外层吸收左花雕汁，酸酸甜甜有酒既清香，开胃非常，略嫌蛋未够入味，如果蛋黄有流心效果应该会好好食！牛肝菌酱捞米线$32牛肝菌酱其实同肉燥有点相似，酱混合微热既米线上，带出独有香味，好欣赏味道方面刚刚好，亦唔会太腻，加埋汤品，令捞米线多左份清新感价钱方面略为有啲高，不过以区域黎讲仍可接受，值得一试。