阿肥火鍋 (已結業)

其实呢排肠胃麻麻地，新年食滞咗，所以朋友约打边炉真系唔想去。但都好耐无见啦，于是抱著无嘢啱食嘅心态去。但发现佢啲汤底系老火炖汤，肠胃唔舒服，饮返碗汤感觉暖笠笠好舒服。其他都浅尝一口，我专门只系食菜。趁汤底仲清清地摆啲菜落去，吸收汤底嘅精华。偶尔食一两粒丸，个人几满意佢地嘅虾丸，鲜甜弹牙。肉类就食唔到，海鲜嘅鲜甜味我都可以接受，象拔蚌好鲜甜，又爽弹。滑豆腐都系唔错，几好食。好彩呢度啲嘢食都新鲜，汤底亦都清甜，令我都可以有啲嘢食。都算唔错。