潮人飯堂 (已結業)

潮人饭堂嘅形式同一般酒楼有啲相似，不过特别之处在于佢有唔少fusion菜式，而且食物亦都整得比较仔细。不过我推荐大家喺下午茶时段去饮茶食点心，价钱唔算太贵但食物质素相当有保证。点心之中较为出色嘅系佢嘅鲜虾春卷，外层炸到金黄色，松脆之余又冇乜油益嘅味，入面嘅鲜虾亦唔会话好梅。另外，马拉糕亦都值得一试，大大个笼入面装住三大旧马拉糕，松软之余甜度非常合适！佢亦会推出特别优惠，绝对系附近住客嘅饮茶好去处！