海港薈

营业中

休息中

终于到星期六可以休息吓唔使返工，周末就最好去饮个靓茶。揾咗间靓酒楼，望海景，chill吓。电视广告成日见到林嘉欣喺度食植物肉，咁啱今日饮茶又见到有得食，就叫咗个咕噜植系鸡球。个样嚟到就真系好似平时嘅咕噜肉，食落去以为自己真系食紧肉，因为都真系食到类似纤维嘅物体，又唔会有𠮶种好假或者黄豆味，新鲜炸起脆卜卜，值得一试。恩爱天鹅酥，睇图片见佢几得意，就叫咗个嚟试。好彩佢唔系图片只供参考，嚟到个样都真系同图片一样嘅，旁边仲有两粒烚咗嘅鹌鹑蛋好搞笑。味道都算唔错，外皮都几松脆，里面有猪肉，又有啲好似芋头虾米，咸香咸香几好味。见天气转凉嗌咗个炖汤嚟滋润吓。姬松茸花胶炖鲍鱼，好足料，花胶好大块。汤饮落去好鲜味，浓郁。总括来讲都唔错，等疫情过咗之后无限最令，可以一家人一齐嚟饮茶。