富港海鮮酒家

营业中

休息中

休息嘅日子唔想煮饭食，最好就系去酒楼饮茶，选择多样化，可以满足到大家嘅要求。其实已经嚟过几次，呢度都算几抵，卫生情况都可以接受。个地方都几大，而且都几旺场。佢嘅种类唔算好多，都系大路野，好似无佢自己嘅特色点心。之前有个花胶粥，非常唔错，但佢更新咗个点心纸就消失咗。每次嚟都至少会点一个饭，够晒抵食，而且烧味嘅质素都唔差，大大碗一定唔会饿亲。呢个系芥兰，唔会太硬，又唔会太稔，但无乜芥兰味。点心正常嘅水准。鱿鱼须，都几香口，个表皮香脆，里面又唔韧。总括嚟讲，由于附近几间茶楼都试过，有D碗碟崩晒口，又洗唔干净，有D又贵，又多人。比较之下呢间算系合理。由于呢个酒楼舖位以往经营嘅酒楼都好少可以营运到一段长时间，但希望佢可以争下气，定期更近下D点心种类，令顾客可以保持有新鲜感。