吉吉點 (已結業)

有时都会约个朋友去观塘APM 行街加睇戏，睇完戏就紧系唔少得食番餐晩饭，一行去睇APM个水牌，全部都系连锁餐厅，真系有d拣唔落手，朋友见我天然呆左一阵，就介绍我去牛头角站附近既呢间用心制作既小店-吉吉点。平时都非常钟意食点心，贪佢一盅两件，可以点多几样，多d款拣~烧汁煎虎椒煎得好香，虎椒少少辣，更香口，而且以烧汁代替豉油，更加好味，咸咸地甜甜地，加埋木鱼片，味道更加好！姜葱牛栢叶牛栢叶爽口弹牙，煮得够林又唔会好靭而且好入味，加上姜葱丝，更加香口，比一般酒楼更好味蟹籽烧卖烧卖旧猪肉唔会太肥，因为冇乜肥猪肉，所以几弹牙，有肉质，而蟹籽增强口感，match 得好好香煎饺子饺子煎到金黄色，个皮好脆，一咬肉汁标哂出哂，要小心烫口，好多肉汁，点少少醋，perfect杨枝金露芒果汁底好重芒果味，加上当造既芒果，又甜又香芒果味，加上少少柚子，加强口感，为今晚晚餐画上完美既句号所有点心都整得好有心思，而且味道好好味，绝对好过好多酒楼，唔怪得知多客人到要等一阵先有位