農圃飯店

营业中

休息中

今日平日，一行三人去咗农圃饮茶食午餐。一嚟到就已经有两个前菜，包括一碟青瓜同埋一碟炆牛腱。青瓜新鲜，味道正常。牛腱炆得好入味，筋肉之间林得来都仲保留住一啲咬口。点心有部分可以逐件嗌，不过最少两件起。如果小人黎食啱晒。可以叫多啲款式。我哋嗌咗3件烧卖，3件虾饺，一碟鲍汁鸡脚（4只），一碟煎咸薄餐（6件），一笼奶黄马拉糕（3件），一碗鱼蓉鱼汤米线，2件糯米煎酿鸡翼，2件萝卜糕，2碗杏仁茶，一杯芒果凉粉。当中烧卖（有肉汁+虾爽口），鲍汁鸡脚（汁浓+鸡脚重胶质大只有咬口），鱼蓉鱼汤米线（汤好浓郁），萝卜糕（食到好多萝卜同腊味），糯米煎酿鸡翼（皮脆）都好好味。埋单$78X. 得闲会再去帮衬。