影片
更多
2015-01-07
2818 浏览
四围揾饮茶好地方…前身系采蝶轩嘅『小蝶』开左系midtown，估得到质素应该唔差。“雪山叉烧包”，包软馅热，雪山皮唔会厚叠叠、实的的，呢个厚度脆度我钟意。“跳舞茄子”名字几好听，卖相亦好睇，即系酱烧茄子加啲木鱼喺上面，成条茄子上可以当扒据，不过始终茄子淡口，个人认为味道麻麻。“白雪苦瓜”呢味𩠌好得意，成个棉花糖咁…for影相very good，食就very bad，即系焗蛋白入面有啲苦瓜粒，焗蛋白同梳乎厘入面啲饀质感差唔多，不过唔系甜嘅、系完全冇味嘅，啲苦瓜粒先弊，生嘅，唔知系咪专登整到咁，要爽口嘅口感？但苦到喊…唔识欣赏。“上素粉果”，普通点心，普通到唔识评论，唔难食，又唔会好好好好食。“镇江排骨”个人认为炸得太劲，我唔like，太干喇。重点推介“鲍鱼酥”，$58一件，贵都应该叫，一个迷离镬仔上，成只鲍鱼比好多出面酒楼整饱鱼挞嘅大粒好多，咬落去好“淋”，下面件酥亦比想像中大件，有美心鸡批咁大件头，里面啲饀好似系一粒粒鲍鱼，怀疑系素鲍粒，趁热食最正，但朋友嫌略咸，睇个人口味啦～甜品点咗“蛋黄冬蓉酥”完全食唔出有蛋黄系里面，简单嚟讲，佢即系粒状老婆饼，金莎咁上下大粒，但馅冇老婆饼嘅咁甜…
“雪山叉烧包”，包软馅热，雪山皮唔会厚叠叠、实的的，呢个厚度脆度我钟意。
“跳舞茄子”名字几好听，卖相亦好睇，即系酱烧茄子加啲木鱼喺上面，成条茄子上可以当扒据，不过始终茄子淡口，个人认为味道麻麻。
“白雪苦瓜”呢味𩠌好得意，成个棉花糖咁…for影相very good，食就very bad，即系焗蛋白入面有啲苦瓜粒，焗蛋白同梳乎厘入面啲饀质感差唔多，不过唔系甜嘅、系完全冇味嘅，啲苦瓜粒先弊，生嘅，唔知系咪专登整到咁，要爽口嘅口感？但苦到喊…唔识欣赏。
“上素粉果”，普通点心，普通到唔识评论，唔难食，又唔会好好好好食。
“镇江排骨”个人认为炸得太劲，我唔like，太干喇。
重点推介“鲍鱼酥”，$58一件，贵都应该叫，一个迷离镬仔上，成只鲍鱼比好多出面酒楼整饱鱼挞嘅大粒好多，咬落去好“淋”，下面件酥亦比想像中大件，有美心鸡批咁大件头，里面啲饀好似系一粒粒鲍鱼，怀疑系素鲍粒，趁热食最正，但朋友嫌略咸，睇个人口味啦～
甜品点咗“蛋黄冬蓉酥”完全食唔出有蛋黄系里面，简单嚟讲，佢即系粒状老婆饼，金莎咁上下大粒，但馅冇老婆饼嘅咁甜…几好味吖。
呢度装修几新潮，价格亦中上档次，不过服务呢～好唔够人手啰～想“潮”饮中茶，叹吓新式点心，试吓冇防。
张贴
