利苑酒家 (時代廣場)

营业中

休息中

香港人最钟意饮茶， 饮茶自然少不了点心， 点心的质素才是钟意饮茶嘅人最重视嘅部分。 如果经常出啲新嘅点心品种就更加好 。今日又嚟饮茶， 叫咗啲唔同嘅点心， 不再点虾饺烧卖肠粉 ，拣咗 排骨 ，松露包， 萝卜丝酥饼， 牛肉烧卖 ，椒盐鱿鱼须， 茶果 ，仲有两个甜品 ，枣皇糕同埋桃胶。 个个点心都几好食， 最好味系鱿鱼须， 食得出鱿鱼须系好新鲜， 所以唔使点嘢都好鲜味。 松露包都系好特别嘅点心， 好香嘅蘑菇味， 啲馅都系蘑菇做嘅 ，好清新。 萝卜丝酥饼都好好食， 酥皮松化， 萝卜丝馅鲜甜 多汁。 仲有山竹牛肉 ，加啲喼汁好好味。 仲要赞下呢度嘅服务， 每次揭开个茶壶就即刻有人冲茶 ，埋单嘅效率都好快， 因为有好多人客喺度等位 ，生意好 食物自然轮转得快， 食材自然就会新鲜D， 咁就应该有保障啦。