陶源酒家 (已結業)

今日好耐冇去过陶源饮茶，所以今日就去试吓饮茶食点心。今日星期日，人流都唔系好多，所以唔使点等位。叫咗个龙虾伊面，系芝士伊面嚟嘅。味道都唔错，芝士味好浓。而且龙虾亦都唔算少，适中。不过龙虾肉就冇乜，脚就好多。叉烧，叉烧好肥美同肉厚。而且肉质嫩滑，味道都唔错。鲍汁凤爪，非常之入味，好重鲍汁味。紫薯西米布甸，侍应话啱啱出炉所以就试吓。但系点知一啲都唔热，仲冻冰冰，不过味道唔错，紫薯味好重同好浓，甜甜地。