EL CID西班牙餐廳 (已結業)

FD终于返来香港，特登揾一个饮酒地方同FD吹下水，哩间酒吧系西班牙餐厅，好似好得意，咁试试。酒吧装修得几有特色，有少少地中海风格，分室内同室外区域，今日都冻冻地，都系坐里面算啦。2个人都可以安排到4人位，坐得几阔落。FD钟意饮果酒，侍应推荐咗西班牙特饮Red sangria。哩款酒好特别，饮落有少少红酒香味，不过唔会觉得好重酒味。同埋好重水果香，后味回甘，好似饮甜味香槟咁，啱晒女仔饮。Asia Heat, 天冻冻地，都想饮返杯热饮，侍应推荐咗哩杯特饮。里面加咗柠檬，荔枝，姜片，饮落就好重姜味同柠檬味，估唔到柠檬同姜汁勾埋一齐都唔错。Backed Snails with Bone Marrow，哩个前菜就得意啦，系用田螺，香菜酱同牛骨髓一齐煮，牛骨髓同田螺唔同口感碰撞埋一齐，都几得意。Roast Chicken，烤鸡劲大一份，伴碟仲有翠玉瓜，茄子，番茄仔同埋薯仔。鸡肉烧到皮脆啵啵，已经预先腌制过，好够味。半只鸡食完已经饱咗，同FD继续吹水2个钟，唔错！