Tapa Room (已搬遷) 新店位置

又系放工谂食乜嘅时间，朋友话食西班牙菜，见冇试过西班牙菜就去试一试。餐厅大部份嘅报纸都系以光管组成唔同嘅图案，好有以前玩食鬼嘅感觉。门口亦系打卡位，钟意影相嘅朋友们不妨影返两张呃下like。西班牙薯仔蛋饼第一次食呢味𩠌，食落感觉似薯仔庵列但系又同我接触开其他庵列嘅有啲唔同，首先外型方面胀卜卜，切开入边系一粒粒嘅薯仔，有咬口，口感十足，加埋啲沙律酱好好味。西班牙黑毛猪火腿口感带甘甜的橡果及油膉味的火腿，作为小食一流。薄切慢煮八爪鱼平时食博切八爪鱼都会好韧，呢个以慢煮方式炮制嘅八爪鱼口感软腍，配上蕃茄蓉同橄榄油，带微酸，好开胃。棒棒鹅肝鹅肝入口即溶，表面沾满炒过嘅开心果，海盐同黑椒碎粒，减低油腻嘅感觉之余亦令到整体来讲香口好多。班牙海鲜炒饭十分足料，蚬，青口，虾同埋鱿鱼铺满晒成个炒饭，饭底炒得干爽，做得非常好食。Tanqueray有薰衣草和紫罗兰的香气同柠檬香，饮落几顺口。另外呢杯唔记得咗叫乜名，不过依杯冇酒精，饮落甜甜地，上面嘅生果碎几爽口，唔想饮酒嘅朋友可以试一试。