啤啤Bear韓國包車 (已結業)

坐低后送上前菜泡菜和芽菜，多数韩国菜式有都有前菜，可以就咁食，可以等主菜送到时伴埋一齐食。酱油蟹配脆脆紫菜($288)，腌得入味，最主要唔会过咸，蟹肉软林，用手一压就可轻易挤出蟹肉，紫菜有炸过，将蟹肉放上炸紫菜一齐食更好味。大发！芝士铁板泡菜炒五花肉($178)，五花肉既份量一d都唔啬色，非常多，厚度切得岩岩好唔会太薄，不过芝士放底下，加热得太耐有机会烧㶶，如果熄火芝士会慢慢变硬，所以要尽快食用味道就最佳。蕃茄韩式辣海鲜汤配中华面($218)，上菜见到成锅都系海鲜心情都特别开心，汤底辣度唔算太辣，容易入口，虾够晒大粒厚肉，面吸晒精华所以好入味，而且面质粗身弹牙。