黃枝記 (已結業)

是咁的。本黎无意食碗面打篇食评。奈何医肚而面未到之际。隔离位呀叔碗面一黎就落左四份一枝醋落碗面到。心中一怕！话说对上一次黎食已系未搬之时。唔通差左咁多要浸醋先食得落？到我碗细蓉一黎。即刻伸个头埋去闻一闻先。好彩并无刺鼻既枧水味。吓得我呀！先讲下去个面。系真正既爽滑弹牙。啜入口知佢有几滑几轻身。咬落就知乜系爽同弹牙。就好似你咬佢落去有啲会咬得断有啲会弹返开唔断。真系几过瘾！云吞呢？虾仁同猪肉比例正常。细细粒一啖一粒。散尾之余重叠位唔会一旧厚皮咁。汤底冇枧水味。所以唔洗沟醋。其实食面落醋呢个习惯系因为坊间有啲面档。为左令啲面弹牙啲。落枧水落得重手。面身既枧水味大过浓郁。所以先有食前点醋去中和番。又或者连个汤都有枧水味就落啲落个汤到。咁当然有可能隔离位呀叔比较钟意酸性食物啦。但系你问我。我完全觉得碗面系被浪费左。