影片
更多
2016-03-12
3343 浏览
位于The Wellington 29/F嘅lounge环境service又好，又睇到夜景，七点几上到去仲无人，唔觉意包咗场！Cleopatra Formosa ($150)本身呢杯Cleopatra Formosa系cocktail，不过我唔饮酒，调酒师帮我转咗做无酒精嘅姜啤，另外仲有pineapple syrup，lime juice ，soda 等等。最架势堂系呢个重量十足嘅金菠萝，一打开仲有烟冒出，又会发光， 味道仲非常好！不过价钱都几贵。Iberico pork katsu sandwich , pineapple bun, shaved cabbage ($128 /2pcs)伊比利亚黑毛猪用嚟做ham就食得多，炸黑毛猪扒就真系第一次食。一客2件嘅炸黑毛猪扒菠萝包用一个小蒸笼装住，每笼一件，卖相可爱，菠萝包个面比一般脆身，但食落同样甜甜的，炸猪扒肉厚而且鲜嫩，咬开仍有肉汁，配上猪扒酱汁同椰菜丝，啖啖滋味！Parmesan truffle fries, truffle mayo ($68)非常非常好食嘅truffle fries！呢款Parmesan truffle frie
位于The Wellington 29/F嘅lounge环境service又好，又睇到夜景，七点几上到去仲无人，唔觉意包咗场！
Cleopatra Formosa ($150)
本身呢杯Cleopatra Formosa系cocktail，不过我唔饮酒，调酒师帮我转咗做无酒精嘅姜啤，另外仲有pineapple syrup，lime juice ，soda 等等。最架势堂系呢个重量十足嘅金菠萝，一打开仲有烟冒出，又会发光， 味道仲非常好！不过价钱都几贵。
Iberico pork katsu sandwich , pineapple bun, shaved cabbage ($128 /2pcs)
伊比利亚黑毛猪用嚟做ham就食得多，炸黑毛猪扒就真系第一次食。一客2件嘅炸黑毛猪扒菠萝包用一个小蒸笼装住，每笼一件，卖相可爱，菠萝包个面比一般脆身，但食落同样甜甜的，炸猪扒肉厚而且鲜嫩，咬开仍有肉汁，配上猪扒酱汁同椰菜丝，啖啖滋味！
Parmesan truffle fries, truffle mayo ($68)
非常非常好食嘅truffle fries！呢款Parmesan truffle fries, truffle mayo 用一个小麻布袋装住，上面有满满嘅parmesan cheese，下面有一只泥铲，啡色一粒粒似足泥土嘅其实系黑松露脆同松露蛋黄酱。薯条一送到已经传嚟好香嘅松露香味，每条薯条都炸得香脆不油腻，配上松露蛋黄酱同松露脆脆真系令人食到停唔到口，而且份量其实好多，酱汁亦绝对足够。
Sea salt caramel ice cream sandwich ($58)
平时嘅海盐焦糖雪糕已经将海盐混入雪糕里面，但呢度系将海盐同雪糕三文治分开，可以按个人喜好点上适量嘅海盐进食。雪糕外层系曲奇，厚度适中，松化带牛油香，中间夹住厚厚嘅焦糖雪糕然后一分为四，雪糕唔容易溶，而且creamy无冰感， 伴上点点嘅海盐食起黎更加滋味！
Warm house baked pineapple bun, chilled caramel butter ($78 /2pcs)
高级菠萝油，呢个小小嘅菠萝油每一个都用迷你蒸笼装住，卖相可爱，一客有两个，菠萝包上面嘅脆皮比一般脆同硬，中间夹住皮厚厚嘅冻焦糖牛油，一开头仲以为系雪糕，食真啲先发现系冰冰哋嘅牛油，牛油有焦糖味，带点点咸，中西混合几有趣。
好喜欢呢个地方，30/f嘅餐厅好似仲正，希望下次有机会去。
张贴
