影片
更多
2018-09-10
92 浏览
Element ，系其中一个我好喜欢既商场。贪呢度人流唔多，而且D商店都几岩我行，假日过黎睇戏基本已经成为一种Routine，而平台既酒吧餐厅亦都系我喜爱既一环。呢度既酒吧餐厅基本上星期一到星期七都座无虚席，特别系放工时候，你可以见到好多西装骨骨既金融界人仕过黎吹水，饮酒，只要你系「行家」，每次落黎都总会撞到几个同事，或者系旧同事，感觉就系Lan Kwai Fong 以外既一个Party 集中地。如果唔想只系Chit Chat ，而系想坐低食埋个晚饭既，呢度亦都做到俾你，今次我就拣佐间喺角落头既西式餐厅 McSorley’s。行到过黎可以见到餐厅企满人群，钟意热闹又想Social 一下既，当然会选择楼下既企/座位，但系今日放工都有D累，想揾个静少少既位置倾计，所以餐厅既店员就带佐我地上「楼上雅座」，一个专属于晚饭既楼层，呢个餐厅布局实在够哂贴心。揾个靓位，朋友又未到，所以我自己就只点佐一杯1664，饮杯野咁等，时值Happy Hour ，大部份饮品都有特价。1664 Blanc $60 (Happy Hour Price)朋友今日都唔算迟，大约等佐10分钟佢就已经来到了，佢就勇于挑战，
贪呢度人流唔多，而且D商店都几岩我行，假日过黎睇戏基本已经成为一种Routine，而平台既酒吧餐厅亦都系我喜爱既一环。
呢度既酒吧餐厅基本上星期一到星期七都座无虚席，特别系放工时候，你可以见到好多西装骨骨既金融界人仕过黎吹水，饮酒，只要你系「行家」，每次落黎都总会撞到几个同事，或者系旧同事，感觉就系Lan Kwai Fong 以外既一个Party 集中地。
如果唔想只系Chit Chat ，而系想坐低食埋个晚饭既，呢度亦都做到俾你，今次我就拣佐间喺角落头既西式餐厅 McSorley’s。
行到过黎可以见到餐厅企满人群，钟意热闹又想Social 一下既，当然会选择楼下既企/座位，但系今日放工都有D累，想揾个静少少既位置倾计，所以餐厅既店员就带佐我地上「楼上雅座」，一个专属于晚饭既楼层，呢个餐厅布局实在够哂贴心。
揾个靓位，朋友又未到，所以我自己就只点佐一杯1664，饮杯野咁等，时值Happy Hour ，大部份饮品都有特价。
1664 Blanc $60 (Happy Hour Price)
朋友今日都唔算迟，大约等佐10分钟佢就已经来到了，
佢就勇于挑战，钟意试新野，所以就拣佐枝手工啤。
Punk IPA $78
呢杯手工啤，睇个简介真系好吸引既，有Tropical Fuit, Grapefruit, Pinapple, 同埋Lycee味，非常夏日，唔讲仲以为order紧一杯 Smoothie ，但系当然，其实手工啤既主调都一定系啤酒，闲落去的确有好浓既果香，但饮落去主要都系饮到啤酒既苦涩，的确系几特别既，但系个人都系钟意饮Draught Beer，因为大杯D，抵饮D，同埋有 Happy Hour 价ma ，呵呵。
一路饮住啤酒，就一路开始睇下餐牌，拣下有咩食。
食物种类都几多，沙律类，汤类，意粉类，肉类，等等都可以在餐牌找到，而且餐厅做紧新开张优惠，星期一到星期五都有唔同既优惠，实在非常吸引。
Chic & Avocado Salad $168
一如以往，我都钟意先点一个沙律去清一清自己既味蕾，不竟蔬菜类吃多无妨，今次就拣佐superfood牛油果既沙律。
份量都真系几大碟，配上油醋汁，真系好开胃。
Guinness Sausage $188
第一个main 系肉肠，佢会配上薯蓉同埋洋葱烧汁。
肉肠既颜色系比较黑，但系唔好误会，佢唔系煮㶶佐，而系本身佢既颜色就系咁样，食落佢既肉质系比较挺身既，而且Juicy 感都好足，配埋劲浓烧汁既薯蓉，都真系令人几饱下，我地都食唔哂，呢个系比较意外既，因为我地都唔细食。
Fish & Chips $240
自己喺英国住过，对Fish and Chips 系有一定既要求既，而喺香港要揾一间整得好食既Fish and Chips 餐厅，实在唔容易。
大部份既餐厅既败北之处都离不开炸浆太厚，太油，鱼有雪味，等等。
而呢度既Fish and Chips ，就真系做到英式既口味啦。
Fish 既炸皮做到胀卜卜，但系咬落其实个脆皮系好薄既，鱼厚身而肉够挺，唔会有油腻感，亦都唔会令戈感觉好热气。
薯条系肥身既厚著条，咬落系真系咬到蕃薯有薯味既，唔系那些得油炸浆，咬得充满空气感既「薯条」所能比拟。
缺点可能就系茄汁既container太细，我要refill 3次先食完哂所有薯条，又或者，系我太钟意食茄汁？哈哈。
Mac N Cheese $62
呢个焗芝士通心粉，系一个side dish，而唔系一个main ，所以份量都系偏细既。
芝士加上通粉加上用焗去煮，呢个combination 我会用无得输黎形容，但系今日输佐既地方会唔会因为个portion？
最后佢又无输到㖞！点解？因为佢既芝士真系好浓，好有拉丝感，用另一个形容词，可能系「漏」，所以用黎做side dish，原来又唔错㖞，正所谓少食多滋味，岩岩好！
平时放工都朋友/同事都会揾个地方饮下野，吹2句水，但系食物既一环都系大家所困惑既。
要揾一间又有酒饮，野食又唔错既餐厅，其实唔容易，今次试佐McSorley’s，以后朋友叫我recommend既时候，又多个选择啦。
张贴
