GOGO Rock (已結業)

以为旺角除左商场之外无咩好feel嘅餐厅，今日发现呢间新开餐厅又几唔错㖞，入到去嘅环境、音乐、气氛，都同出面街好唔同，有小惊喜～焗蒜蓉包热辣辣外脆内软，松露酱虾球薯仔沙律，一摆上台松露香扑鼻，配搭无花果点缀，颜色好靓，沙律材料够新鲜特别系虾够爽脆。有啲特别嘢食，玫瑰盐烧法国鹌鹑，淡淡盐味，皮香脆肉鲜嫩，好味～仲有慢煮三文鱼同香煎牛柳伴鹅肝菌，好欣赏三文鱼嘅配汁，牛柳劲好味，非常软腍，一啲筋都冇，鹅肝菌汁质感调得浓汁适中，同牛柳非常合拍～呢个又系好好味，鲜蚝汁意粉配温泉蛋，意粉汁非常鲜味，安全第一视觉效果非常好，每条意粉沾上蛋汁食更加美味。甜品叫左蓝啤梨芭菲同松露朱古力蛋糕，仲叫左Mocktail，Virgin Sangria主要系酸酸微微嘅生果混合而成，加左薄荷叶清爽醒胃；Cucumber Lemonade柠檬青瓜味配合下，清新中带有柠檬酸味，饮落非常舒服。