Cosmos Restaurant & Bar (已結業)

呢头开左唔少酒吧, 系酒吧开埋餐都唔算系新鲜事, 呢间系朋友之前去过话唔错, 见到地上既射灯投射, 就算系低头一族都唔会行过龙话明系酒吧同餐厅混合体, 昏暗既灯光是常识吧, 酒吧就当然会有HAPPY HOUR啦, 仲有送酒小食推介, 可以HAPPY完就系度开埋餐唔想谂太多, 见佢个精选晚餐(SET DINNER)望落都几岩口味, 一于叫呢个试下先!先黎个有机藜麦田园沙律, 藜麦就听得多, 但真系第一次食, 其实系无味既, 配埋以陈醋捞既沙律菜一齐食, 增加咬口!是日餐汤, 今晚系周打鱼汤, 呢个汤真系好耐无饮过, 颇浓厚既CREAMY质感, 有D鱼肉系汤内, 附送香草包一件!唔想食太多肉, 其中一款主菜选了大啡菇黑松露忌廉饭 ($128), 上枱时已闻到好香菇菌味, 大啡菇切成条状, 方便进食, 食落都几有菇味, 而每粒饭粒索上黑松露忌廉汁, 软滑可口! 一客份量都够二人分享, 唔错!另一款系法国春鸡酿泡菜年糕 ($238), 法日混血儿㖞, 话明系春鸡就唔会太大只, 但几好肉地, 皮薄烧到几香口, 索到D泡菜味既鸡肉几鲜嫩, 切开半边就会见到泡菜年糕粒, 泡菜同年糕既混合当然系夹到,