Timber

营业中

休息中

前排同朋友出去食完晚饭仲有啲事要倾，所以就随心揾咗间Bar坐低。呢间位于尖沙咀嘅Timber平时都系上去玩下飞标、Beer Pong，但由于是日有飞标比赛，所以就更加热闹。我地一开始分别Order咗两杯野饮同几款小食。就算唔叫野食只叫野饮都可以，因为Bar有提供Nut Chips。以几杯野饮泥讲，我个人最钟意mango mojito，酒味无咁浓，芒果味容易入口，细心品尝仲会食到里面果肉。对于唔太识饮酒嘅人泥讲，呢杯真系入门版，推荐。至于oreo land就够哂新意特色，所以柯打左一试，卖相好睇，入口有些少薄荷味夹orea，除后有阵阵酒精苦涩味道，几有层次。其后仲Order多咗一杯all the best，卖相色彩缤纷，非常夺目，酒味唔算强烈带微甜，但饮落其实有暗涌，唔声唔声就会黎料。而小食方面柯打咗虾球同鸡翼，价钱适中水准正常。个人认为众小食里鸡翼其实唔错，如果口痕，绝对无疑系柯打鸡翼。