影片
更多
2017-05-28
86 浏览
[#饮食] C+揾食团 || 平价多选择饭局 - 【铜锣湾】Y Pasta "最近比较烦!比较烦!比较烦!" @ 最近比较烦一开始比较感性少少，人一生无论于工作上，还是个人生活上都会遇上好多不同的事，好与坏都系自己的观点与角度，当然系不如意时候，有一班好朋友倾诉下当然系最好。为了最近比较烦呢个问题，就约埋一班闺蜜债下心事。因为闺蜜团成员有人系素食者，所以要揾间可以满足到不同人既饮食需要，今次就一齐去了Y Pasta食好西，慢慢倾。****************************** 有去过The L. Square 都知成栋大厦都系食肆，所以繁忙时间都几多人等䢂。我地都系繁忙食饭时间去餐厅，都有成7成满，因为我地人少都好易安排位置比我地，如果多人既系建议订定位安全。我地安排坐梳化位，虽然地方唔算太大，不过枱同枱之间都唔会太迫，都有空间感睇睇Menu，食品选择都好多，小食、Pizza、意粉、甜品等等，最惊喜既就系意粉，竟然可以有多款意粉选择，长通粉、意粉、天使面，都可以自选。 ****************************** 介绍下有咩好野食先： 龙虾汤 $58
"最近比较烦!比较烦!比较烦!" @ 最近比较烦
一开始比较感性少少，人一生无论于工作上，还是个人生活上都会遇上好多不同的事，好与坏都系自己的观点与角度，当然系不如意时候，有一班好朋友倾诉下当然系最好。为了最近比较烦呢个问题，就约埋一班闺蜜债下心事。因为闺蜜团成员有人系素食者，所以要揾间可以满足到不同人既饮食需要，今次就一齐去了Y Pasta食好西，慢慢倾。
******************************
有去过The L. Square 都知成栋大厦都系食肆，所以繁忙时间都几多人等䢂。我地都系繁忙食饭时间去餐厅，都有成7成满，因为我地人少都好易安排位置比我地，如果多人既系建议订定位安全。我地安排坐梳化位，虽然地方唔算太大，不过枱同枱之间都唔会太迫，都有空间感
睇睇Menu，食品选择都好多，小食、Pizza、意粉、甜品等等，最惊喜既就系意粉，竟然可以有多款意粉选择，长通粉、意粉、天使面，都可以自选。
******************************
介绍下有咩好野食先：
龙虾汤 $58 (另外酥皮 $15)
最爱的龙虾汤，味道鲜甜，唔会太浓或者太腥，有虾肉。汤类可另加酥皮，酥皮牛油味香，不过略为唔够酥化。
******************************
芝士焗粗薯条 ($48)
芝士焗粗薯条
17 浏览
0 赞好
0 留言
倾计必备小食之一，小食既份量都算多，粗身薯条，唔会炸到太干或者太硬，薯条面铺上劲多咸香芝士，热既时候，仲可以有拉丝。
******************************
酥炸鸡脾菇配芝士酱 ($58)
呢个都系素既小食，鸡脾菇炸得几好，就算放耐左都唔会有出水既情况，依然香口酥化。随碟附上芝士酱，可以配合黎食。
******************************
意大利黑松露酱杂菌Pizza 6" ($88)
pizza 有大有小选择，Order 时服务员都主动同我地介绍两款Size 既大约大小，我地就叫左果细既6"(大约叮叮Pizza 咁上下）可以叫多几款唔同野食。呢个都系全素Pizza，上枱已经闻到好香黑松露既味道，Pizza 批底唔会太干 & 厚身，咬落脆身，面层芝士份量多。
******************************
刁草烟三文鱼柠檬长通粉 ($128)
叫左两款唔同既意粉，其中一款系长通粉。长通粉煮到刚好，唔会太淋。加上了刁草柠檬有少少略带酸味，好醒胃。
******************************
忌廉汁牛肝菌天使面 ($98)
忌廉汁牛肝菌天使面
15 浏览
0 赞好
0 留言
另一款意粉叫左天使面，忌廉汁好香，煮到刚好，唔会太多 & 太稀，刚好挂住意粉上。意粉都系唔会煮到太淋，就算冇肉，都好好咪。
******************************
太妃糖乌龙茶 ($28)
太妃糖乌龙茶
11 浏览
0 赞好
0 留言
食完饭，当然叹返杯茶。叫左杯热既太妃糖乌龙茶，只有少少微甜，唔会饮斋茶咁寡。服务生仲不停帮ms.C refill 热水，一杯开几杯赚左！
******************************
C+揾食团总评
CP值: 8/10 (好多食品选择，每项食品都唔会太贵，可以叫多几款都唔会太贵)
服务值: 8/10 (好快手 & 主动添水)
******************************
- C+揾食点 -
Y Pasta
铜锣湾骆克道459-461号The L. Square14楼
张贴
