影片
更多
2022-11-17
4147 浏览
车车之前嚟过好几次湾景酒店Staycation觉得整体环境唔错, 不过就无食过佢地嘅自助餐, 最近有朋友话佢地嘅自助餐都几高质, 而且Cp值极高, 适逢最近转左新自助餐主题做「鳕场蟹脚．鸭肝．鲜蚝」, 一听到就忍唔住要即刻拉大book枱试下, 自助晚餐于是今晚车车就拉大队一齐试试佢! 湾景国际湾景厅位于港岛区湾仔北部临海地段, 搭车系湾仔站或会展站就到, 餐厅环境几大, 整洁企理, 格调高雅, 旁边嘅落地玻璃窗仲可以欣赏维港夜景, 食物款式几多, 而且有多款海鲜包括加拿大鳕场蟹脚／即开法国生蚝／面包蟹／鲜虾/鲜蚬/蓝青口/东风螺等等, 而日式刺身更有成6款咁多, 包括三文鱼/八爪鱼/鲷鱼/北海道带子/希灵鱼/甜虾／吞拿鱼, 仲有劲多甜品, 未食已经好兴奋! 加拿大鳕场蟹脚超大只, 蟹肉鲜甜爽嫩超juicy! 车车食左劲多只好满足! 生蚝肥美爽口带浓浓海水味! 面包蟹好多膏😍刺身厚切新鲜～鸭肝煎得好香, 口感滑溜细腻, 入口即化，配搭脆卜卜嘅小多士同意大利黑醋简直绝配 唔中意生蚝嘅朋友仔亦有极邪恶嘅芝士烟肉焗蚝, 蚝肉上面铺满咸咸香香嘅芝士同烟肉再烤至金黄色, 味道浓郁, 鲜味十足 黑松
湾景国际湾景厅位于港岛区湾仔北部临海地段, 搭车系湾仔站或会展站就到, 餐厅环境几大, 整洁企理, 格调高雅, 旁边嘅落地玻璃窗仲可以欣赏维港夜景, 食物款式几多, 而且有多款海鲜包括加拿大鳕场蟹脚／即开法国生蚝／面包蟹／鲜虾/鲜蚬/蓝青口/东风螺等等, 而日式刺身更有成6款咁多, 包括三文鱼/八爪鱼/鲷鱼/北海道带子/希灵鱼/甜虾／吞拿鱼, 仲有劲多甜品, 未食已经好兴奋!
加拿大鳕场蟹脚超大只, 蟹肉鲜甜爽嫩超juicy! 车车食左劲多只好满足! 生蚝肥美爽口带浓浓海水味!
面包蟹好多膏😍
刺身厚切新鲜～
鸭肝煎得好香, 口感滑溜细腻, 入口即化，配搭脆卜卜嘅小多士同意大利黑醋简直绝配
唔中意生蚝嘅朋友仔亦有极邪恶嘅芝士烟肉焗蚝, 蚝肉上面铺满咸咸香香嘅芝士同烟肉再烤至金黄色, 味道浓郁, 鲜味十足
黑松露鸭肝蟹籽炒饭超足料, 黑松露香气四溢, 配搭油脂甘香嘅鸭肝, 饭粒饱满圆润, 粒粒分明, 饭面上铺满蟹籽, 口感丰富又惹味
炸物有车车最爱嘅吉列广岛蚝, 日本广岛蚝鲜肥饱满, 外层酥脆可口, 内里软嫩鲜味
传统嘅法式焦糖炖蛋好多时都系系甜品果个area, 车车一开头都以为甜品地区无位摆摆左去熟食区, 望真d原来系鸭肝焦糖炖蛋, 焦糖色嘅脆面配搭加入左鸭肝酱嘅炖蛋, 食落带有鸭肝嘅鲜香味, 口感嫩滑, 估唔到又几夹
除左海鲜刺身寿司外, 仲有各式新鲜沙律, 芝士切肉等冷盘, 仲有多款热食香煎鸭肝／蜜糖芥末烧烟猪柳／香草烤羊脾／烧美国西冷牛扒／北京片皮鸭／香草脆皮猪腩卷／红酒烩牛尾／泰式红咖喱炒青口／香煎海鲈鱼柳等等, 而最最最惊喜嘅系, 竟然有猪脚姜🙈, 真系照顾到唔同客人嘅口味, 车车都食左两只蛋!
至于甜品区系车车另一个最期待嘅一环, 多款式之余仲要超好食! 净系有8款口味嘅MÕVENPICK雪糕已经好加分, 车车足足食左9个波! 另外必试芒果拿破仑同班兰焦糖炖蛋, 拿破仑顶层铺上芒果肉, 咬落去脆卜卜, 入面有朱古力食落唔太甜好清新, 劲快比人抢哂! 班兰焦糖炖蛋口感软滑超creamy, 食极都唔腻! 除左西式甜品点少得有中式同港式呢, 有杨枝甘露／豆腐花／港式鸡蛋仔／芋圆DIY／迷你葡挞／罗汉果桂圆红枣糖水, 仲有小朋友至爱嘅朱古力喷泉等等! 真系好开心! 食饱饱想饮下野, 除左有茶同咖啡外, 自助饮品吧仲有玻璃樽装汽水! 真系饮饱食醉大满足😋
张贴
