撈得喜火鍋冰室

营业中

休息中

经网友介绍话元朗呢间火锅店最抵食，睇openrice见D配料相片，其实无咩期望。见$178位都唔算贵，即本睇下咩料子！地方唔算大，但大部份座位系卡位，坐得舒服又有私人空间。汤底好多选择，有不同麻辣烤鱼，秘制麻辣鸡煲，椰子鸡煲，水煮鱼，酸菜鱼...全部都系食左先打边炉，唔怕饿亲。见隔离台D烤鱼好大条，两个人怕食唔哂最后我地叫左酸菜鱼，好快就上左台。唔系讲笑，好鬼足料，食完应该饱晒！鱼片连皮好正，唔算多骨，汤底味道刚刚好，食到一半就开始打边炉。自助形式，款式都系大路野，但要推介佢哋嘅手切牛肉，睇个样唔吸引，但食落牛味香浓，又唔韧，真心回本！手打鲮鱼肉丸，呢个坚真材实料，所以都食左唔少～仲有海鲜有虾及沙白，同样吸引。其他配料都正正常常，有我最爱腐皮串串。饮品方面，除左啤酒任饮，仲有自家制果茶，不过我晏左少少去，所以试唔到，so sad...唔紧要，临走食返杯雪糕补返数。