飼說 (已結業)

最近系 facebook 见到朋友系饲说打咭，搞到自己都好想打埋一份，于是拣左今晚去。位于铜锣湾既餐厅都颇有气氛，被安排到一个位置坐。不过一坐下已经比旁边既坐位吸引，旁边既坐位自成一角，枱面放有旧式打字机，甚有特色。估唔到过左一阵该坐位既客人就埋单，终于一尝到秘位既滋味。餐牌食物唔算好多，但就有好多特色饮品。手工面包，沙律配柚子汁，意式蔬菜汤手工面包热辣辣，拿起要小心，食落十分松软，记得衬热食。食既时候我就钟意配埋意式蔬菜汤一齐食，蔬菜汤并非一般流质既汤，而系整到较为杰身既形态，入口感觉味道更香浓。黑豚肉泡菜杂菌酱汁饭骤眼睇好有煲仔饭既感觉，深啡色既饭加上黑豚肉，系煲仔饭既格局，当然眼前呢个饭靓太多。黑豚肉有嚼劲，但唔韧。饭入口黏黏的，但饭质比煲仔饭软身，味道浓。仲有少量既泡菜做点缀，令味道丰富，又唔会太辣。Oreo 冰山Oreo 朱古力都几大杯，一个人饮都几饱，有好香朱古力味，又唔会太甜，碎冰够细，入口舒服，当然唔少得Oreo饼。难得第一次嚟就咁好彩坐到秘位，当然唔可以食完就走咁浪费，点都要留多一阵影下相先。