緣聚鮮鍋 (已結業)

今晚男朋友到荃湾接放工，问我想食乜，我话好多嘢想食，例如鸡煲、鱼生同埋火锅，佢话无问题！我觉得佢答得咁爽，以为佢随口答我，点知佢带我去大鸿辉中心三楼缘聚，真系三样都有得食㖞！入座前先选择鸡煲之辣度，我哋拣咗小辣！鸡煲在加热时，餐厅先送上一只象拔蚌剌生，肉质鲜味十足，爽口弹牙，仲可以出去取刺生，有三文鱼，、带子、希灵鱼，螺肉及大虾！各款刺生都非常新鲜。食完刺生后，鸡煲又加热好了，闻到很香味，食落鸡肉嫩滑又有鸡味，真系唔错！食到差不多服务员便帮你加上汤食火锅，火锅配料好多，但我哋最钟意食牛，咁就order咗多款牛，如牛肩胛，封门柳，牛颈脊，安格斯牛板腱同美国肥牛，这间餐厅食材都算高质，每款牛都有牛味又嫩滑，我哋每款牛都order咗几次！其他多种菜、鱼皮、响铃及饮品等，可以自取！餐厅仲有好多款小食，如无骨凤爪，章鱼烧，薯饼，烧三文鱼骨、腩都唔错。最后又系女仕至爱白甜品，有自由配搭的糖水，啫喱，布甸，雪糕，食到捧住个肚。感觉好似食buffet咁多样化，真系大满足！