新麻蒲 BBQ (新都會廣場) (已結業)

之前听朋友讲话新麻蒲个Lunch好抵食，一直都想试下，但每次唔系早得济未开，就系超多人喺门口等位，都无一次食到。今日同母亲大人出葵芳买野，可能时间尚早门口既然无人等，即刻要试下。可能啱啱开门，门口无人带位，要等一阵先有侍应见到我地出黎带位。需然得两个人，但安排左4人枱比我地，相当阔落。我叫左火山芝士泡菜炒饭加石榴果醋，妈妈叫左韩式猪肉饺子刀削面加热柚子茶，饮品先到，石榴果醋饮落个甜多过酸，唔系好似果醋，柚子茶正常。落好单侍应就放低左4碟前菜，有泡菜、芽菜、青瓜同西兰花。除左西兰花好难食，其他都正常。好快野食都黎，个炒饭超多，应该有两碗饭。虽然系泡菜炒饭，但唔系好辣，饭面有芝士，都几好食。旁边个蛋超好味，入面都有芝士。个饺子刀削面啲𩠌都有几多蚬，有两只饺子，仲有啲好似系油豆腐，不过饺子就煮耐左，一夹就散，反而个面几好食，质感似乌冬，几有咬口，个汤面都几好味，好香胡椒同麻油味。两个餐都好大份，好努力咁食晒个刀削面，但个饭就食唔晒，认真大件夹抵食。