神石燒牛扒炸物專門店 (已結業)

好耐冇食过石烧牛肉，呢排秋风起又好似提示我要烧野食一样，我就知道要黎神石烧啦。两个人食叫一个二人餐就最好，呢个日本A5佐贺和牛二人前$525就有牛有猪有带子，日本A5佐贺黑毛和牛，和牛油花均匀，咬入口虽不至于入口即溶，但对得起价钱。美国极黑豚，厚身黑豚肉肉嫩多汁，不过烧嘅时候要有相当耐性，唔系就会好易烧焦/唔熟，浪费上好食材。美国安格斯牛膈肌 ，又系肉厚鲜嫩，但就比黑肉豚肉易烧好多。美洲顶级厚切牛脷，肉质弹牙，因为本身已经熟左嘅关系，所以烧返热就食得。北海道珍宝带子，味道唔错，不过就好似比上次细粒左少少。日式炸蕃薯条味道不过不失。另外仲有自助无限添加嘅白饭同埋前菜，一定可以食到饱。