Reserva Ibérica Tapas Bar & Restaurant (灣景中心) (已結業)

湾仔会展站附近既呢间Reserva依家午市做紧套餐，叫一个主食就有得任食buffet bar既食物，仲包一杯茶或咖啡！💚任食沙律吧💚Tortilla西班牙薯仔蛋饼系一定要食既！蛋饼既蛋香十足，口感软绵绵，薯仔丝好多，但好软熟，混合埋半熟既蛋，口感真系一流，唔驶点调味已经好香啦！另外既生果都好新鲜，西瓜菠萝果啲都好甜，质素真系好好呀！🧡罗勒蕃茄通心粉配蕃茄芝士饼🧡意粉酸酸地，非常开胃，真系有好多蕃茄，用料丰富，罗勒带出食材既鲜味，另外炸脆既芝士饼又系一大卖点，芝士饼好香脆，馅料又香浓，芝味真系十足，非常滋味！💛香煎三文鱼💛三文鱼绝对系主角，大大旧既三文鱼唔会鞋口，鱼皮煎脆佐，鱼肉就嫩滑鲜味，一啲腥味都无，配料既薯蓉都好好食，薯蓉好绵滑好细滑，又香薯仔味，同埋啲炒菜一齐食，非常美味！