元札幌拉麵 (宇晴軒商場) (已結業)

依间元札幌拉面位于荔枝角四小龙依个位，午餐价钱对于打工仔黎讲算略贵，仲要加埋一，但叫做去唔到旅行，都可以食下啲日本嘢减下压咁。同同事一人叫左一个自选三宝套餐，可以拣个拉面，再配个小食同支装汽水，我就叫咗个牛油拉面，佢就叫左个Ankake 浓汤拉面。再配埋个烧鸡翼同可乐，食完真系饱到成个晏就唔想做野。拉面份量好足，仲有荀、芽菜同海带，配料十足，汤底都偏向香港口味，唔会过咸。而佢啲小食，除咗鸡翼仲有好多唔同嘅选择，生嘅有三文鱼刺身，蟹籽沙律，熟嘅有煎饺子，炸豆腐，而个人最欣赏就系佢啲烧物，烧鸡翼、烧鸡软骨同烧多春鱼等即叫即烧，鸡翼仲会拆开咗，食都方便啲～疫情期间，入店前会量体温依啲就基本嘢啦，但佢仲会俾多个口罩你，依个就真系加分位啦