米走雞 (昭德大廈) (已結業)

我之前试过着买呢间外卖芝士鸡煲返屋企食好好食， 所以今次就去试吓佢嘅辣鸡煲，首先呢一间米走鸡第一样要讲嘅一定系佢嘅价钱同埋份量，系超平同埋超大份，食鸡煲加打边炉两个人$500系饱到好似食buffet咁。 鸡煲非常香，已经系叫咗小份，但系都应该有一只鸡。 鸡肉嫩滑， 超入味。 五宝丸一定要嗌，真系全部手打，真材实料，爽口弹牙。 虎虾都超新鲜，唔知系咪游水货， 但系真系大只又弹口。 又系只系叫咗小凡嘅肥牛竟然大碟过其他舖头嘅例牌。 牛肉仲要系高质，有牛味，入口即溶。 只系$98