喜鍋 海鮮‧火鍋‧小廚 (已結業)

即使夏天仍然不阻挡喜欢打边炉既我地，今日放假又同妹妹撑枱脚，又去周围试下😁谂住方便返屋企就决定系旺角食。入到去见环境几舒服整洁，除左一般火锅外，仲有活鱼刺身同象拔蚌刺身，不过今日两丁人食唔晒放弃左。我地叫左个麻辣锅，锅入面有跟埋鸭血、猪皮同莴笋。鸭血要煲耐d，愈滚愈入味实净又大旧。莴笋本身己够淋，索晒味都好正！不过猪皮我同妹妹都唔食，所以评价唔到。麻辣汤底辣就唔系特别辣，但胜在够香。见佢呢个有👍🏻所以试下，的确唔错，油炸鬼脆卜卜，配弹牙墨鱼滑同蟹子，口感丰富。呢碟*花雕鸡子*差不多有成20粒，仲要好多大大粒既，花雕辟左鸡子既腥味，而且更有提味效果🙆🏻‍♀️（难得妹妹肯陪我食😌😌），不过因为个炉滚得比较快，建议唔洗渌太耐。牛颈脊睇落好红好新鲜，雪花好吸引，肉味浓而且厚身。*蟹子墨鱼滑*超弹牙，入面有粒粒墨鱼肉，有口感的。杂菇份量都唔少，新鲜。蛏子皇厚肉新鲜，鲍鱼都唔细，贴心的系鲍鱼面井字介开，令鲍鱼更易咬😯啤酒种类都有4种选择，一路饮一路打边边系爽既。价钱其实都正常，不过我地今日好多野都想试，其实份量都够3人食，计落人多食就抵好多。