阿麥廚房 (已結業)

返工返得辛苦劳累最好就系食餐好，对自己好一点，咁就开心晒。鹅肝好肥美香口，兴幸香脆嘅多士同清新嘅沙律平衡过多的油脂，多吃一点都唔怕。先讲跟汤的蒜蓉包，蒜蓉同牛油味都几香，如果蒜蓉包脆多少少就更好，不过本身都唔错。主角黑松露菌忌廉汤唔稀唔太"杰"啱啱好，里面仲有好杂菌碎，有口感又带有好浓嘅黑松露味，唔知系唔系要够浓所以咸了少少，如果平衡番呢点就perfect。自己好钟意食咸猪手，但好怕肥腻又怕猪手唔够脆。呢个猪手真系出乎意料之外地超好食，又唔油，又唔会太咸，仲要猪手皮超脆，肉质仲好嫩。就连薯条都好好，脆身又香薯味。钟意饭同黑松露分开上，要下几多黑松露都可以自己控制。意大利饭有少少嘅芝士味，唔会过浓，每粒饭都好分明，唔会太"杰"，系个几好嘅意大利饭。食到好饱，最好不过饮杯Earl Grey消济。虽然餐厅Earl Grey都系Twinings嘅，但好似有点唔够浓，不过ok的。整体上，大致都好满意，坐得舒服，服务又好，时不时都留意到客人嘅需要。食物虽然有少少改善嘅空间，但味道上绝对有85分以上，值得推介嘅餐厅。