維港灣餃子坊

营业中

休息中

疫情之下少咗出街食饭，变咗买外卖番屋企叹。今日去元朗食大大粒爆馅饺子，外卖仲有9折，而且饺子采用新鲜猪肉，可以见到师傅制作饺子嘅过程。大白菜鲜肉饺刀削面有5大只饺子，只只都皮薄，一咬开就见到劲多馅。大白菜甜， 猪肉馅比大白菜更多，配汤食好滋味。刀削面软硬适中，一碗都有唔少面。餐厅好贴心将汤及面分开上，唔怕啲面会变软。而且汤底有阵猪骨味，唔油腻，仲有3件豆卜添，吸哂啲汤嘅精华。煎咸蛋黄芥菜鲜肉饺外表煎到焦焦地咁，略脆。芥菜味非常重，而咸蛋黄味就后劲带出，估唔到芥菜都可以做馅料，同咸蛋又几夹。仲会配埋一碗家常老火汤粉葛赤小豆煲猪骨，汤色一睇就知用好多粉葛煲，冇味精够健康。炸虾春卷好靓靓整齐排好，外卖番到屋企依旧脆，虾肉结实。加埋特制沙律酱，个沙律酱混有红萝卜碎等蔬菜，口感提升咗。配埋罐装可乐就最岩，大热天时要饮番啲凉爽饮品，食完煎炸野好似冇咁热气。