沙嗲王 (已結業)

沙嗲王一直都系抵食嘅饭堂之一，虽然服务同环境麻麻，但系佢个白咖喱同沙嗲真系好正。必叫沙律，虽然又加左一蚊价，仍然系咁抵食，一餐饭有返啲蔬菜，感觉好啲嘛。今次一样系叫左猪扒，呢个系沙嗲，好香花生味。大大碟，捞汁送饭一流。试左新野，温泉蛋泡菜肥牛石头窝饭。上枱时超热，好香，份量唔少。泡菜略微过辣，食到有啲麻。无乜点搞佢都唔多饭焦，点解呢？明明个碗好热。散加一杯冻奶茶，超甜同无茶味…另外一日又食左沙嗲王。今次要白咖喱猪扒，好creamy嘅咖喱，保持水准。又试新野，滋味虾堡选炸薯条鱿鱼，净系食到油益味同超厚炸粉，呢样无下次了…食到饱饱都系一人六十几蚊，抵食。