土耳其小城 (萬昌樓) (已結業)

约左今日同朋友行开元朗，所以之前就稳定附近有咩餐厅。上网见到呢间餐厅几特别系土耳其风味，又几多好评，所以就试下啦。一坐低就见到餐牌充满土耳其嘅味道，封面有座城堡喺度。咁我哋就嗌咗三样嘢，两个主菜一个小食。🍛咖喱克勒鸡肉炒饭橙橙黄黄非常吸引，香味十足。饭粒粒分明充满咖哩香味；鸡肉亦都非常入味而且唔会嚡，啖啖肉好滑。辣度方面就稍为辣咗啲，食唔到辣嘅人就未必食到啦。🐐木炭烤羊件同样充满烧烤嘅香味。佢系免治羊肉啖啖肉，食落充满淡淡嘅木香，羊肉上面有芫荽籽，酸酸甜甜咁，再加埋柠檬汁就更易入口。整体都烧得入味又唔太咸。🌮蒜油烤饼 呢个真系超香嘅蒜味呀。个边少少脆中间松软，烤饼之中满满都系蒜味，而个饼都做得好香滑，有少少奶油味。☕薄荷茶呢个外观上都几靓黄黄绿绿咁，饮落一种清新嘅薄荷味可以消下滞。