千之壽

营业中

休息中

元朗独立国食日本菜真系冇得输。平民价、甚至日本师傅发办omakase一应俱全。我已经喺呢到食过两次晚餐，每次都食到撑住个肚。今日就再到呢间食小店试食午餐，睇下系咪仲咁抵食，水准系咪都一样喇！哇！午餐有咁多款点拣吖，仲要食个饭或面，送两件手卷或者系寿司，会唔会太多吖。。。再望下，原来仲有鱼生寿司餐当日星期六唔知咩事，劲多人叫外卖，餐厅坐满八成，但伙记就只得一个。跟住见到有个厨房嘅人，出嚟帮手做楼面，写单入单上菜等等。我催完又催，等咗40分钟，我嘅午餐终于到喇！我分别点了404刺身寿司餐及402手卷寿司餐呢间店嘅寿司特色系：饭细细，剌身厚大。如果想用平民价价钱食到饱饱嘅，呢到一定得！