香港仔一品魚蛋王

营业中

休息中

晚饭唔知食乜好，就是但系屋企附近揾一间舖头填下肚先。呢间鱼蛋粉舖已经帮衬过好多次。价钱正常品质over all嚟讲唔错。餐厅喺木星街，位置方便。喺木星街电车站一落就已经系。又或者喺炮台山地铁站行4分钟左右就到。之前亦都有买过佢啲生料黎打边炉。推介牛丸同埋墨鱼丸。鱼蛋同埋云吞就真系麻麻哋，可以唔使再试。至于餐厅其中一个推介「鱼面」，我都食过一次，系爽口嘅，有鱼味嘅，但如果钟意食淀粉质嘅朋友就可能唔系咁啱喇。不过如果系生酮饮食嘅朋友仔就可以有多一个选择。今日买咗外卖崩沙腩饭（$63）。崩沙腩都算好多旧，下面有啲菜。仲包埋一碗紫菜汤。味道都唔错㗎（牛腩有咬口得黎唔会太硬，煮得好入味）。