+5ºC 手抓餅專門店 (已結業)

想帮衬呢间好耐喇，因为我系手抓饼fans, 今日终于有机会试吓  大概十二点半去到，阿姐刚刚开舖。唔想比压力人，我唯有行去Today买杯珍珠奶茶先。返转头已有一对男女等紧喇，呢度系自己剔fillings, 另可免费加沙律酱（个人认为一定要加！）拣咗烤鸡肉、甜粟米、肉松。呢个配搭系我个perfect match啦。个饼整起热辣辣，返到屋企先慢慢叹就啱啱好喇。fillings好多, 好好味，以我㨂嘅呢个配搭加沙律酱真系一流呀。刚才等嘅时候听到有班学生经过，其中有个话想食手抓饼，但另外一个话手抓饼唔饱咖㖞。唔会啦，我食完一个劲饱呀！