順豐排骨麵

营业中

休息中

喺铜锣湾谂唔到食咩，就谂住散步过去天后揾食。行过见到间面铺既装修似系历史比较悠久嘅老店，所以就入去试喇。面铺面积唔系好大，大概有十张枱左右。 可能我哋去嘅时候比较夜，入面得返两枱客人食紧。我哋叫咗佢嘅招牌排骨担担面同埋五香牛肉担担面。排骨担担面我哋拣咗唔辣，个面同汤抵几好味，加埋啲花生，几香口。 炸排骨嘅厚度偏簿，少少甜甜地，味道可以。五香牛肉担担面我哋加咗辣， 比起清汤仲惹味，但唔知关唔关加辣事，定系个牛肉嘅关系，汤面头有层油， 食落去会觉得有啲腻。 个牛肉系牛展嚟嘅， 似系现成嘅牛展，买返嚟切片就上碟。 牛展唔太热，比较韧。另外跟餐会送一杯豆浆。豆浆无乜甜味同豆味，比较稀，叫做有野湿下口。