西貢金雞海南雞

营业中

休息中

前几日同啲朋友讲开海南鸡饭，有人介绍佐敦呢一间金鸡，咁啱今日行过𠮶度，就顺便去开餐了。虽然系星期六，可能系时间还早（约下午6:30），餐厅啲人唔多，我一个人仲坐咗四人座位。嗌咗个金鸡招牌去骨海南鸡饭，个餐仲包埋碗老火例汤，此外我仲要咗一杯冻柠水。最先摆上台嘅系碗老火汤，好大碗，仲非常好味，早知道就唔嗌杯冻柠水。落单时有谂过要唔要转鸡髀（加$15），不过我想试下啲鸡有冇人讲嘅咁滑，所以就冇转到。整体上来讲，啲鸡系唔错嘅，虽然唔系十分之滑，但系肯定唔系嚡，而且份量非常之充足。至于碗饭，我就觉得一般般，我嫌佢太硬，不过这个可能系我自己嘅问题，因为我系钟意食谂啲嘅饭嘅。酱料方面喺传统嘅辣酱、甜豉油同葱油，我嫌佢俾得少，唔系好够沾。呢餐饭食得好饱，埋单一共系$63，今时今日喺香港地，可以以咁嘅价钱食到饱肚嘅一餐，都算系物有所值喇！