博多拉麵別天神 (已結業)

行过the one 见到有间日本拉面店，一直都想试，今日终于有机会试吓🥰🥰 我地分别叫咗一个别天神套餐，同一个虾味噌套餐，原来除咗碗面之外仲有个小食添！环境方面，小店虽小，但系布置得好温馨好有日本拉面店嘅气氛，仲可以任添酸姜🤣 两个汤底都好浓，原味不过不失，但系虾味噌有惊喜，有好香嘅虾味，上面仲有一堆樱花虾。小食我地叫咗小龙虾蟹子沙律、饺子各一，我同朋友都好钟意个沙律，个形状好似雪糕咁，估唔到食落去好清新，沙律酱有少少wasabi 味但甜甜地唔辣，仲食到好多粒小龙虾🦞呢两个套餐都好高质，食到饱饱都系每人100左右～