定食8 (已結業)

午餐同同事去咗定食8，今次系第二次食，仲好食过第一次，虽然货仔唔同高级寿司店，但哩个价钱系绝对无得弹。（上图系我偷食咗寿司饭）左边系系黑蒜猪软骨乌冬，个蛋令人印象深刻，仲系流心，无煮过龙，乌冬唔会淋哂，猪软骨份量好足，味道唔错。左上有个煮过嘅海苔（有啲好似胶，透明，但唔好误会😂），我将佢放咗落三文鱼面豉汤里面焗热，去到最后再饮都仲好热，满意。寿司最后先食蛋会比较好，海鲜都好新鲜，切得唔薄，三文鱼唔瘦，近腩，好好食。带子大大啖，口厚好好，个蛋系雪过嘅，最后食就无咁冻啦。哩个系同事叫嘅鳗鱼饭，烧得比较焦（半条个皮系黑色）但佢话味道唔错，食到一半佢已经开始饱，最后食哂条鱼。最后讲下餐厅环境，灯光比较暗，人手同屯门分店一样都系少，出面会比较慢，卫生当然都唔系特别好。