福丸水產 鉄板燒 日本料理 (已結業)

先来嘅前菜系有腐皮、海藻同沙律等，味道较清新，可以为嚟紧嘅食物打好底！叫咗杯接骨木花冰啤，饮落甜甜地，够晒冻，好易入口，几钟意，不过好似只只味都差唔多咁～花竹虾配墨鱼籽，虾肉好甜好爽，师傅连虾壳都整到好脆俾我哋食，配埋墨鱼籽咸咸香香～白金鲷配海胆酱，见师父1个人要整俾好几位食客都好有心，白金鲷先炸后焗，口感特别，鱼肉唔会好干！法国紫甘笋，食落比一般甘笋更甜！重头戏系京都A5和牛，师傅会表现喷火一幕，好吸睛，我就拣咗5成熟。真系煎到啱啱好，唔会话好油腻但又够淋身，牛味亦够香～仲有烟肉炒饭同蚬肉汤，好饱！仲有一大碟炒椰菜～最后仲有云呢拿黑糖雪糕！