影片
更多
2020-06-09
1243 浏览
南海一号 #尖沙咀❗️饱览维港景色一家人庆祝中菜之选❗️位于iSquare最高✨有两层高嘅落地大玻璃，完全比维港景色包围着😍喺OpenRice见到有套餐优惠，透过OpenRice订座，喺特定时间可以享用减$200鱼翅鲍鱼餐 ($780->$580)或者减$300鹿儿岛黄牛龙虾餐($1080->780)优惠！就咁望个价钱好似都仲好贵，但的确每一道菜都好高水准，非常适合同屋企人庆祝，仲要有成个维港景睇，爸爸妈妈实钟意🔥虽然系中菜，但除咗头盘之外，其他都系分好晒每人一碟😆另外佢哋仲有个酒吧，装修超靓，仲有露天位置对住个海，非常之chill！我哋拣咗个平啲嘅鱼翅鲍鱼餐$580，已经够晒满足！麻辣牛舌筋 陈醋云耳🥙虽然真系几辣，但好香，牛舌牛筋带有咬口，超级惹味👍🏻云耳比起一般嘅甜好多🙈。极品蟹皇翅🦀呢个套餐所有嘅食材都系非常高级名贵，加入蟹肉煮成嘅鱼翅，比起一般更加鲜甜，成个口充斥着蟹肉嘅鲜甜。蟹肉、鱼翅嘅份量一啲都唔吝啬。蚝皇原只鲜鲍鱼🤎手掌心咁大嘅鲍鱼🤩而且系我食过口感最好嘅鲍鱼，弹牙得来唔会韧，而且仲煮得好入味，蚝油咸咸甜甜，但又唔会遮盖鲍鱼本身嘅鲜甜，𠮶种鲜味系从来都未品尝
❗️饱览维港景色一家人庆祝中菜之选❗️
位于iSquare最高✨有两层高嘅落地大玻璃，完全比维港景色包围着😍喺OpenRice见到有套餐优惠，透过OpenRice订座，喺特定时间可以享用减$200鱼翅鲍鱼餐 ($780->$580)或者减$300鹿儿岛黄牛龙虾餐($1080->780)优惠！
就咁望个价钱好似都仲好贵，但的确每一道菜都好高水准，非常适合同屋企人庆祝，仲要有成个维港景睇，爸爸妈妈实钟意🔥虽然系中菜，但除咗头盘之外，其他都系分好晒每人一碟😆另外佢哋仲有个酒吧，装修超靓，仲有露天位置对住个海，非常之chill！
我哋拣咗个平啲嘅鱼翅鲍鱼餐$580，已经够晒满足！
麻辣牛舌筋 陈醋云耳🥙
虽然真系几辣，但好香，牛舌牛筋带有咬口
，超级惹味👍🏻云耳比起一般嘅甜好多🙈。
极品蟹皇翅🦀
呢个套餐所有嘅食材都系非常高级名贵，加入蟹肉煮成嘅鱼翅，比起一般更加鲜甜，成个口充斥着蟹肉嘅鲜甜。蟹肉、鱼翅嘅份量一啲都唔吝啬。
蚝皇原只鲜鲍鱼🤎
手掌心咁大嘅鲍鱼🤩而且系我食过口感最好嘅鲍鱼，弹牙得来唔会韧，而且仲煮得好入味，蚝油咸咸甜甜，但又唔会遮盖鲍鱼本身嘅鲜甜，𠮶种鲜味系从来都未品尝过，味道平衡得好好👍🏻！
烧汁香煎元贝皇🤍
超大只元贝，好好奇未煮之前究竟有几大旧🤯生熟刚好，外层煎到微脆，内里弹牙！配上用咗烧汁腌制嘅香菇，镬气十足，貌似简单但非常好味🥰。
避风塘鳕场蟹🦀
超香口嘅避风塘，甜甜辣辣真系好好味😋只系鳕场蟹有壳，食落有啲唔方便。。。觉得用软壳蟹会更加正。
竹笙酿鲜芦笋🥬
用竹笙包住芦笋，相对普通啲。
龙虾汤泡贵妃饭🍚
有别于西餐嘅龙虾汤，呢一个龙虾汤系稀身，但同样鲜甜☺️特别在于佢嘅饭粒，除咗一般白饭之外仲有一半系饭焦，非常香脆😆夹杂着少少肉碎，口感味道丰富。
精美甜品🍮
最后以一碗高质红豆沙作结尾。简单但体现到师傅嘅功力，煮到半沙半颗粒，加埋啲莲子等等，完美嘅结束🥳。
明明睇落唔系好多，但出奇地食到一半已经好饱，不过太好味，所以依然会想食晒🥰觉得呢一间绝对系靓景同屋企人庆祝之选，尤其呢一个套餐所用嘅食材全部都非常高质，鲜甜美味，虽然价钱唔平，但非常满足。
味道: 4.5/5
性价比: 4.2/5
麻辣牛舌筋
31 浏览
0 赞好
0 留言
陈醋云耳
80 浏览
0 赞好
0 留言
极品蟹皇翅
55 浏览
1 赞好
0 留言
蚝皇原只鲜鲍鱼
39 浏览
0 赞好
0 留言
烧汁香煎元贝皇
52 浏览
0 赞好
0 留言
避风塘鳕场蟹
46 浏览
0 赞好
0 留言
竹笙酿鲜芦笋
72 浏览
0 赞好
0 留言
龙虾汤泡贵妃饭
58 浏览
0 赞好
0 留言
精美甜品
51 浏览
0 赞好
0 留言
张贴
