肉餅哥小炒料理 (已結業)

旅行完先觉得香港嘅食物先啱自己食，今趟旅行真系无啖好食。趁夜机返到黎，一落巴士就见到肉饼哥，所以无咩点谂就入去了。蒸肉饼由细食到大，但都系黎黎去去都𠮶两三款，但呢度有成三十多款真系不得不佩服老细嘅大胆创意。记起早排食过餐花胶餐几好食，所以就点左个花胶肉饼食，睇下呢度嘅做得好唔好过之前𠮶间。而朋友就点左海胆肉饼，仲再柯打左个炸薯波黎食。炸薯波热辣辣上枱，香脆得黎仲食到一粒粒薯蓉，唔会入口一团粉团咁，都系几唔错嘅小食。花胶肉饼份量十足，有成三大块花胶铺面而底下嘅肉饼都有成吋厚。花胶燘得好软滑而且入口胶质非常重，每一啖都浆住浆住咁。而肉饼本身都做得好松软，肥瘦肉均匀配白饭真系几唔错。可惜嘅系略嫌唔系几够味，要再加啲酱油调重少少味道。顺带一提，呢度嘅甜酱油真系几好味，易入口得黎又咸甜啱啱好。而另一个蟹粉肉饼就转左用煎肉饼去配。煎嘅肉饼饭风味比花胶𠮶个更浓郁，除左多了一层香脆口感亦因为煎过令肉饼油香更突出。但同样地都系觉得味道还是淡了一点，所以都加左啲酱油落去。我地谂可能系啱啱落机啲气压仲有少少影响先会咁样。跟餐饮品拣左奇异果汁，一黎健康啲，二黎系清下旅行后嘅肠胃。另外呢度仲搞紧个影靓相就有得任