影片
更多
2016-12-12
1068 浏览
肥妈入医院第二晚，我同细妹探完佢之后，晚上9：00，嚟咗呢度食晚餐。店舖空间颇细，座位最多廿个，但可能平日加上夜嘅关系，食客唔算多，感觉唔算逼。餐牌全部用手写，墙身亦贴有唔少菜单同相片，但我心情唔好，冇乜胃口，简单点咗个1号特惠精选套餐龙脷柳长通粉，饮南瓜汤同热华田；细妹就点咗个炒杂菜同鸡翼。我个南瓜汤先到，有南瓜茸同忌廉味，甜甜哋，味道ok。长通粉份量好多，卖相亦好，不锈钢焗盘外围仲有个胶兜套住，但个女侍应拎埋嚟都有叫我小心热，态度唔错。龙脷柳热辣辣，外层够脆亦大块，白汁芝士同通粉份量亦多，味道几好；我问女侍应要茄汁，佢递咗支地门俾我，我落咗好多茄汁落去，味道更加好！至于杯热华田，好奇怪，唔知点解？我觉得有阵蕃薯味！细妹兜炒杂菜嚟先，佢分咗啲俾我，爽脆亦好味！至于鸡翼我就冇食到，但细妹觉得都唔错！差唔多埋单时，见到墙身贴有禁止一份餐两个人食，否则收$50座位费，感觉麻麻地！我见佢哋个Summer Dinner Set款款系双拼，本来我真系有谂过叫一份同细妹share,好彩冇，否则俾佢哋额外收费就唔抵！我哋食到晚上十点几埋单，当时仲有人啱啱入座。可能个通粉实在太full, 食哂一份餐嘅
店舖空间颇细，座位最多廿个，但可能平日加上夜嘅关系，食客唔算多，感觉唔算逼。
餐牌全部用手写，墙身亦贴有唔少菜单同相片，但我心情唔好，冇乜胃口，简单点咗个1号特惠精选套餐龙脷柳长通粉，饮南瓜汤同热华田；细妹就点咗个炒杂菜同鸡翼。
我个南瓜汤先到，有南瓜茸同忌廉味，甜甜哋，味道ok。长通粉份量好多，卖相亦好，不锈钢焗盘外围仲有个胶兜套住，但个女侍应拎埋嚟都有叫我小心热，态度唔错。
龙脷柳热辣辣，外层够脆亦大块，白汁芝士同通粉份量亦多，味道几好；我问女侍应要茄汁，佢递咗支地门俾我，我落咗好多茄汁落去，味道更加好！至于杯热华田，好奇怪，唔知点解？我觉得有阵蕃薯味！
细妹兜炒杂菜嚟先，佢分咗啲俾我，爽脆亦好味！至于鸡翼我就冇食到，但细妹觉得都唔错！
差唔多埋单时，见到墙身贴有禁止一份餐两个人食，否则收$50座位费，感觉麻麻地！我见佢哋个Summer Dinner Set款款系双拼，本来我真系有谂过叫一份同细妹share,好彩冇，否则俾佢哋额外收费就唔抵！
我哋食到晚上十点几埋单，当时仲有人啱啱入座。可能个通粉实在太full, 食哂一份餐嘅结果系我饱咗足足成晚，直到第二朝，感觉个胃都仲顶住，有啲辛苦！
芝士忌廉焗龙脷柳长通粉、南瓜汤、热华田
$58
114 浏览
0 赞好
0 留言
张贴
