名館 (已結業)

今日想食上海菜，唻到都希慎8点，名馆唔需要排队，就入去试吓。呢间餐厅除咗上海菜仲有点心食。担担面个面好弹牙，微辣。如果有麻酱就再好食啲。梗系有嗌小笼包，夹起唔会烂，证明个皮好烟韧。小笼包皮薄，而且有满满嘅汤汁，好食，一笼有五粒。胡椒鱼头煲十分足料，有成个鱼头，鱼头好有鲜味。除鱼头之外，里面有菇同水晶粉，好饱足。汤底有啲胡椒味，饮咗好多碗。黑椒安格斯牛柳粒，薯仔同牛柳粒都好有黑椒味，好惹味，但系牛柳粒数量有啲少。总括而言，啲嘢食都几好味，不过唔系好够侍应，服务一般。