隆姐泰國美食館

营业中

休息中

虽然好近公司，但系真系一排无黎九龙城食泰国野，于是今日放工就同同事去左食下泰国野咁。行左阵见到呢间野感觉都唔错，就入左去食。入左黎食野，先发现野都算大，但系内里嘅装修都比较旧，不过算喇又唔系食装修，我地系黎食泰国野嫁嘛。一拎起个餐牌我地就叫左大家都各位钟意食嘅，务求尽快医肚。过左无几耐，菜就开始上。首先就系牛肉生菜包，闻落都几香，不过啲肉炒得太辣喇，而且生菜俾得太少，我呢一棵都唔知有无。。。跟住就系炸虾饼，一睇就知系即叫即炸，入口热辣辣，而且份量唔算少，但虾胶唔算多，略嫌有啲失色最后就蒸乌头鱼，都算今餐嘅一个亮点，条乌头唔会煮到太老，食落口仍然有鲜嫩嘅感觉，而且仲大量嘅配料好冬菇果啲咁，最后配埋啲汁真系好惹味。总括黎讲，今餐都算OK，不过味觉上总觉得差左一点点，但环境同服务都算唔错，所以食得都算开心。